عم تبرد الجاكيت…
اللي كاين تلبسا
بخزانة السكّيت،
وخافت تنتسى
كلشي إلك بالبيت
عاش الأسى…
حتّى مسكات بواب،
لكنت بتلمسا
وقناني العطر، اللي فضت
وحقا عمر… بيناتنا
خانقها الرفّ… وشمت
شو لْ علقا بغمراتنا
تحارب جاكيتك بالنظر
معقول مع حدا تاني..؟
وأوقف أنا وميت جكر
أطبش باب الخزانة (ي)..
وزتّ القناني.. وإدعسا
كلشي إلك بالبيت.. عاش القسى
عم حسّ بمشاعر
ما كنت.. حسّا
عم أشبهك صاير
بلون المسا..
أيامي…… دواير
بتكرّر نفسا..
هلقد غيابك قادر
حرّيتي يحبسا
جورج درويش
اترك تعليقاً