الله معك يازهرة العناب

شو الي جرالك آخ يا امي
…………………… لمين بعدك بشتكي همي.

شوقك ل بيي يمكن الأسباب
………………… من بعد موتو كتير منسَمّي.

عشتي حياة الشقا والسرساب
…………………. قلبك تِعب عالحزن والغَمي.

نحنا صبايا وبعدنا طلاب
………………… فقدنا الحنان وروعة الضَمي.

مهما علينا يكتروا الأحباب
…………………… خالي وستي وجارنا وعمي.

مش قد لهفة صدرك المحراب
…………………….. وكنا عليه بنعشق اللمي.

نجلا يا امي كبير هيك مصاب
…………………. دمك نشف لكن شعل دمي.

تا عاتبك يمي شو يفيد العتاب
………………….. غاب الورد والزهر والشمي.

الله معك يازهرة العناب
…………………….. يا منبع التحنان يا امي.

ما بخاف يمي من وحوش الغاب
………………… تعلمت منك حارب العتمي.

عمامي خوالي وكل هالأصحاب
………………………. كلّن معي لا تهكلي همي

سلامي لبيي ال راح في عز الشباب
………………………. وشدك ع جنة ربنا بهمي.

 

بقلم الشاعر ..
فرحان صطوف