أدب وفكر

شروقية

يا فلان حاجي بقى تشكي من الأيام
وتتكي عَ كتف الزمن وتنوح عّ عتابو
ما في حدا بهالدني بتضحك إلو الأحلام
ولا في عجوز إن بكي بيرجع إلو شبابو
خدها نصيحة اخت ما بتعرف استسلام
مهما الزمان اجتهد تا يزيد اوصابو
الشخص العزيز النفس لو كترت الآلام
بيبقى يوزّع فرح عا كل أصحابو
بيخفي بصدرو الألم وبيغلق بإحكام
حتى ما يشمت حدا من الناس بمصابو
يا فلان قوم الصبح واستنشق الأنسام
واسبح ببحر الهوى أو غلّ بعبابو
وارسم عَ وجهك فرح واضحك قبل ما تنام
متل الحبيب ال غفي بأحضان احبابو
واكتب قصايد غزل لعيون ما بتنلام
إن لحقت حبيب القلب تا تنام عَ هدابو

فايزة معماري

اترك تعليقاً